Kalaja e Përsqopit është një qytet Ilir, i ndërtuar në shekullin e IV p.e.s. Maja e kodrës që keni përballë ishte e gjitha e përfshirë brenda perimetrit të një muri rreth 1150 m të gjatë. Pjesa e vetme e parrethuar me mure është gremina në anën veriore të kodrës, e pakalueshme dhe rreth 250 m e gjatë. Objektet që shikoni ende të ruajtura mirë janë një nga bastionet e mëdha dhe hyrja kryesore e qytetit. Në veri ndodhet një mur i dytë kufitar i ndërtuar në një periudhë të mëvonshme. Bastioni i madh ka një gjatësi 12 metra dhe dalje 6 dhe 9 metra nga vija e mureve rrethuese. Fasada ruhet në 11 rreshta, mesatarisht 7.30 metra lartësi.