Kalaja e Kaninës

Kalaja e Kaninës ndodhet 6 km larg qytetit bregdetar të Vlorës. Ajo ngrihet mbi një kodër rreth 380 metra mbi nivelin e detit, në të cilën gjenden rrënojat e qytetit të vjetër të Kaninës. Pamja nga kalaja mbyllet në jug nga mali i Shashicës por ajo ka një fushëpamje të gjerë në tre drejtimet e tjera dhe mund të kosiderohet si pika e cila hap Rivierën e Jugut të Shqipërisë. Nga gjurmët arkeologjike shihet qartë se fillimisht se të parët tanë, Ilirët kanë ndëtuar kalanë e më pas ajo ka qënë përherë e banuar në histori. Kalaja është rindërtuar si shumë kala të tjera nga Justiniani në shek. V-të e më pas nga feudalë të tjerë shqiptarë deri ne mesjetën e vonë. Kanina ka shërbyer ndër shekuj njëkohësisht si një fortesë ushtarake dhe një qytet i fortifikuar por edhe si rezidencë feudale e familjes së Gjergj Aranti, babai i Donika Kastriotit. Muret ilire të kalasë nga teknika ngjasojnë me muret e Amantias, Bylisit dhe nga forma e rrënojave dallojmë qartë një qytezë të fortifikuar.

Pozicioni i favorshëm gjeografik mbi luginën e Lumit të Vlorës dhe rrugët të cilat lehtësojnë lidhjen e zonës bregdetare me atë të thellë të vendit e kanë bërë Kalanë e Kaninës një prej pikave më të rëndësishme historike të Shqipërisë si një fortesë por edhe si një rezidencë feudale, kjo edhe për klimën e favorshme, faunën dhe traditat e vendit. Muri rrethues i cili ndan pjesën më të lartë të kodrës është i gjatë 1 km, ka tre porta hyrëse të fortifikuara me kulla mbrojtëse dhe kalaja egzistuese përfshin një sipërfaqe prej 3.6 ha. Kalaja ka patur mbi 14 kulla dhe disa mure të ndërtuara në kohë të ndryshme. Brenda rrethimit, kishte shtëpi banimi, ndërtesa për garnizonin, depo municioni, stera për furnizimin me ujë por edhe saraje, objekte kulti si kisha dhe xhami, etj. Nga muret e rrethimit kryesor hapen tri dyer të emërtuara nga banorët si dera e Fshatit nga jugu i saj, dera e Mbretit nga veriu dhe dera e Beut nga lindja. Kalaja ka patur edhe një ndër të parat ora në një nga kullat e saj, ajo e Zejnel Pashës, e cila është akoma gjysëm në këmbë.

Ku?

Kalaja e Kaninës ngrihet një kodër në të cilën gjenden rrënojat e një qyteti të vjetër, atij të Kaninës dhe ndodhet 6 km larg qytetit bregdetar të Vlorës.

Kush?

Nga gjurmët arkeologjike shihet qartë se fillimisht se të parët tanë, Ilirët kanë ndëtuar kalanë e më pas ajo ka qënë përherë e banuar. Kalaja është rindërtuar si shumë kala të tjera nga perandori Justiniani e më pas nga feudalë të tjerë shqiptarë deri ne mesjetën e vonë.

Çfarë?

Kanina ka shërbyer ndër shekuj si një fortesë ushtarake dhe një qytet i fortifikuar. Ka qenë edhe rezidencë e familjes Aranti. Muret ilire të kalasë nga teknika ngjasojnë me muret e Amantias, Bylisit. Nga forma e rrënojave dallojmë qartë një qytezë të fortifikuar.

Pse?

Pozicioni i favorshëm gjeografik mbi luginën e Lumit të Vlorës dhe rrugët që lidhin zonën bregdetare me atë të thellë të vendit e kanë bërë Kalanë e Kaninës një prej pikave më të rëndësishme historike të Shqipërisë si një fortesë por edhe si një rezidencë feudale, kjo edhe për klimën e favorshme, faunën dhe traditat e vendit.

Si?

Muri rrethues i cili ndan pjesën më të lartë të kodrës është i gjatë 1 km. Kalaja ka patur mbi 14 kulla dhe disa mure të ndërtuara në kohë të ndryshme. Brenda rrethimit, kishte shtëpi banimi, ndërtesa për garnizonin, depo municioni, stera për furnizimin me ujë por edhe saraje, objekte kulti si kisha dhe xhami, etj.

Shkarko Guidën