Kalaja e Lëkurasit

Kalaja e Lëkurësit ndodhet juglindje të qytetit të Sarandës, në një pozicion strategjik të veçantë nga ku mund të kontrollohet i gjithë qyteti, kanali i Korçës dhe ishujt e Ksamilit. Kjo kala u ndërtua rreth vitit 1537 mbi rrënojat e fshatit më të vjetër të Lëkurësit. Ndërtimi i saj përkon me kohën kur sulltani Sulejman sulmoi Korfuzin, duke krijuar nevojën për të kontrolluar portin e Sarandës, së bashku me rrugën që lidhte qytetin me Butrintin. Kalaja e Lëkurësit ka formë katrore, me dy kulla të rrumbullakëta të vendosura në verilindje dhe juglindje. Kati i parë shërbente si depo dhe magazinë. Pozicioni i kalasë tregon qartë se qëllimi i saj kryesor ishte vëzhgimi detar. Lartësia e mureve arrin nga 6.7 deri në 7 metra, ndërsa trashësia e tyre deri në 2 metra. Ajo u shpall monument me vlerë historike dhe kulturore në maj të vitit 1970.